السلام عليكم ورحمة الله وبركاته
هناك فيروسات انتشرت منذ فترة كبيرة وللاسف الى الان اجد الكثير
لا يعرف كيفية التخلص منها ويعاني منها الامرين فاردت ان اساعدكم
بسم الله الرحمن الرحيم
نبدأ
هذه الفيروسات قد تأتي في اسماء غير معروفة او معروفة يعني مش مشكلة الاسماء
اهم شئ انك تكون فطن وانت بتبحث عنها
يعني ماتخليش الفيروس يضحك عليك باسماء غير تقليدية
قد يأتي الفيروس بأحد الاسماء التالية او اغلبها او كلها يعني ابحث لحد اخر فولدر
AUTO run
noh
AUTO ploy
ROZE
New folder.exe
$Recycled.Bin ( تكرار سلة المحذوفات مضاف ليها الرمز $ )
123456566
12j2uj3y3261
..........الخ
يعني زي مانت شايف ممكن ييجي على هيئة اوتورن او غيره
او حتى لخبطه بين الارقام الحروف او حروف عشوائية او ارقام عشوائية
او مرتبة ....الخ
في المجمل اي ملف تحسه انه غريب عن ملفاتك يبقى هو دا الفيروس
المهم كمان ممكن يجي في امتداد exe . او غيره يعني كمان الامتداد مش شرط exe
مكان وجود الفيروسات
توجد فقط في الدرايف من الخارج وليس داخل الملفات او الفولدرات والحمد لله انها بتيجي من الخارج فقط
طيب يعني ايه من الخارج ؟؟؟؟؟؟
لما حضرتك بتفتح دريف او ديسك مثلا ( D او H او F ...الخ ) بتلاقي ملفاتك داخله هو الفيروس هايكون واحد منهم يعني معاهم
يبقي لما نبحث عنهم مش هاندخل ندور في كل فولدر،،،،،،، لا هانبحث عنهم بجانب ملفاتنا من الخارج
اعراض الفيروسات دي ايه ؟؟؟؟؟؟
* كبر حجم الملف ( لعبة او اغنية ....الخ ) كبر غير طبيعي
يعني لو اللعبة مثلا 600 ميجا تلاقيها 20 جيجا مثلا ....الخ او اي كبر في الحجم دا يعتبر من الفيروس برده
* عدم سهولة نقل الملفات من مكان لمكان بسهولة وفي الغالب تظهر لك رساله عدم استطاعتك نقل الملف
* عدم القدرة على فتح الملف
* عدم القدرة على فتح الدريف نفسه ( D , F , H , ...الخ) ابدا وايضا تظهر لحضرتك الرساله اياها
* عدم قدرتك على تنصيب برامج ( فشل عملية تسطيب برامج )
* ازدياد البرامج او الملفات المعطوبة ( المرض دا معدي ههههههههه)
*تغير التصفح ...الخ
ممكن تلاقيه يجبرك على ان متصفحك الرئيسي مثلا مواقع جنسية وغصب عن عينك مش هاتقدر تتخلص منها ههههه
* تغير في الريجستري
دول اللي ممكن فاكرهم دلوقت
على العموم يالا بينا علشان تتخلص من الفيروسات دي واهمها الاوتورن
ملحوظة مهمة جداااااااااااااااااا
1 - لو اتبعت غير الخطوات دي يبقي حضرتك ماعملتش حاجه ابدا والفيروس موجود وهاقولك ازاي
2 - اوعي اوعي تلمس اي مكان في الجهاز بعد التنصيب الجديد الا الخطوات فقط
لو لمست اي شئ او اي مكان في الجهاز يبقى حضرتك افسدت كل التسطيب للنسخة الجديده
الخطوات
1 - تنصيب نسخة جديدة ولا تلمس اي مكان في الجهاز الا الخطوات فقط
2- My Computer
3- اختر Tools من التولبار
4 - اختر folder options
5 - View
6- show hidden files and folder
7 - زيل العلامتين اسفل show hidden files and folder
هاتظهرلك رساله وافق عليها
8- طبعا ابلاي و اوك يعني تطبيق وموافقة
9 - اذهب لشريط الادوات ستجد Folder اضغط عليها
10 - هاتفتح الصفحة من يمين ويسار
خليك في القايمة اللي على يسار الصفحة وادخل درايف درايف
يعني افتح ( D , وابحث عن الفيروسات باشكالها وعندما تجدها ظللها و Shift +Delete
وافحص درايف دريف زي ماقلتلك الى ان تنتهي من التخلص من جميع الفيروسات
واياك تغلط وتفتح فيروس منهم يبقي حضرتك محتاج انك تموت خميس وجمعه تصبح السبت فايق ومنتعش ههههه
يعني خلي بالك
طيب لو ماعرفتش انك تشيلهم من القايمة اللي على الشمال تروح تشوفهم من النص الايمن وتظلل على الفيروس
من بعيد عنه علشان ماتغلطش وتلمسه وتفتحه
11 - بعد كده لازم تعمل ريستارت للجهاز
وزي ماقلتلك اياك تلمس اي حاجه غير الخطوات
لان الفيروسات دي انت لما نزلت الويندوز الجديد انت حذفت نسخه منه
لكن لسه انت ماحذفتش النسخة الاحتياطية من الفيروس
لو حضرتك لمست شئ قبل ماتتخلص من النسخة الاحتياطية يبقى انت ماعملتش حاجه ولازم تعيد تنصيب الويندوز من جديد واتبع الخطوات من الاول
وفي ناس تقول مانا خلاص نزلت نسخه جديده ارد عليهم بجوابي السابق
تسطب ويندوز وبدون الخطوات يبقى بصراحة احنا اللي عاوزين نتخلص منك مش الفيروس
موضوع: امسح جميع الفايروسات من جهازك على طريقةجني707 
